اپوزیشن لیڈر سید خورشید شاہ نےحکومت کو فیض آباد دھرنے کے معاملے پرعسکری قیادت سے رابطے کی تجویز دے دی ہے ۔ خورشید شاہ نے کہاہے کہ فوج کو بلانا اور ان سے بات کرنا حکومت کا آئینی اختیار ہے۔
پارلیمنٹ ہائوس اسلام آباد میں میڈیا سے گفتگو میں سید خورشید شاہ نے کہاکہ موجودہ صورتحال کے ذمے دار نوازشریف ہیں۔
انہوں نے کہا کہ الیکشن ایکٹ ترمیمی بل منظور کرانے کی پوری کوشش کریں گے، حکومت نے اس حوالے سے ٹال مٹول سے کام کیا تو دوسرے آپشن موجود ہیں ۔
قائد حزب اختلاف نے کہا کہ نااہل شخص کے ساتھ پارٹی چلانے سے نتائج بہتر نہیں آتے، حکمران برے ہوسکتے ہیں پارلیمنٹ نہیں۔
فیض آباد دھرنا کے حوالے سے اپوزیشن لیڈر نے کہاہے کہ فوج کو بلانا اور ان سے بات کرنا حکومت کا آئینی اختیار ہے،انہوں نے کہا کہ معاملہ مذاکرات کے ذریعے حل کیا جائے ۔
خبر: جنگ
